Awan latta ti pagilasinan nga agparang ni Senador Ronald "Bato" dela Rosa iti dandani agleppasen a pannakataming ti badiet para iti 2026.
Segun ken ni Senador Sherwin Gatchalian itay Nobiembre 26, immasideg kenkuana ti maysa nga empleado ni Dela Rosa ket impakaammona a saan a dumar-ay ni Dela Rosa a mangisponsor koma iti badiet ti Department of National Defense (DND) ken Philippine Drug Enforcement Agency (PDEA).
Gapu itoy, ni Gatchalian pay laeng ti mangidepensa iti badiet ti DND ken PDEA, kas daulo ti Finance Committee.
Kinuna ni Gatchalian nga awan ti imbaga ni Dela Rosa a makaigapu iti dina idadar-ay iti budget hearing.
Senado, pinasingkedanna ti ₱6.793-trilion a nailian a badiet para 2026
Sipud idi impalgak ni Ombudsman Jesus Crispin Remulla a rimmuaren ti warrant of arrest ni Dela Rosa manidpu iti International Criminal Court (ICC), saanen a nagparparang daytoy iti publiko. (Dhel Nazario/Manila Bulletin//Lito Hilidon/Bannawag)
