Maysa nga overseas Filipino worker (OFW) iti maysa nga ospital idinto maysa pay nga OFW ti mapukpukaw pay laeng kalpasan a linapunos ti dakkel nga uram ti pito a pasdek iti residential complex iti distrito ti Tai Po ti Hong Kong, kinuna ti Department of Foreign Affairs (DFA) idi rabii ti Huebes, Nobiembre 27.
Awan pay ti kompirmado a Filipino nationals kadagiti nakompirmaren a natay a ngimmaton ti bilangda iti 94, segun iti kaudian a report ti Associated Press.
Segun ken ni Foreign Affairs Spokesperson Angelica Escalona, agpada nga agtrabtrabaho kas domestic workers iti Hong Kong dagiti dua nga OFW.
Kinuna ni Escalona a makikokoordinar ti Philippine Consulate General iti Hong Kong iti Police Force, Labor Department ken Home Affairs Department ti Hong Kong tapno maammuan ti yan ti mapukpukaw nga OFW.
Makabayan bloc, mangipila iti baro nga impeachment complaint kontra ken ni VP Duterte kalpasan ti one-year ban
Agdagup met iti 23 a Filipino domestic workers ti nakaawat iti welfare assistance manipud iti Consulate, Migrant Workers Office, ken Overseas Workers Welfare Administration (OWWA).
Immuna a nangisayangkat dagiti tallo nga ahensia iti nagtipon a panagbisitada kadagiti shelter nga imatmatonan ti gobierno ti Hong Kong tapno maipaay ti tulong kadagiti naapektaran a Filipino nationals. (Joyce Ann L. Rocamora/PNA/AP)
