Agdagup iti 13,135 a tattao ti naapektaran iti dakkel a layus iti Cagayan a ginubuay ti di agsarday a tudo, kinuna ti Provincial Disaster Risk Reduction and Management Office (PDRRMO) idi Huebes, Nobiembre 27.
Segun iti PDRRMO, dagiti naapektaran nga umili ket manipud iti 50 a barangay iti siam nga ili ti probinsia.
Manipud idi malem ti Huebes, Nobiembre 27, 2,429 a tattao ti adda kadagiti evacuation center, idinto nga adu met dagiti dadduma ti temporario a nagkamang kadagiti kaarruba wenno kakabagianda.
Kinuna ni Cesar Cuntapay, acting PDRRMO head, a nakasagana dagiti personnel ti Task Force Lingkod Cagayan-Quick Response Team, kasta met dagiti nadumaduma a rescue equipment, a mangnayon kadagiti municipal disaster response units no kasapulan.
Dati a presidente Duterte, 'fit to participate' iti ICC, segun kadagiti medical expert
Iti Siudad ti Tuguegarao, kinuna ni Mayor Maila Ting Que nga idi 2 P.M. ti Nobiembre 27, naabot ti critical level a 11 a metro ti water level iti Buntun Bridge.
Segun iti Department of Social Welfare and Development (DSWD) Region 2, naiwaras kadagiti apektado a pamilia. dagiti family food packsnga aggatad iti ₱513,000.
Insayangkat ti Coast Guard District Northeastern Luzon ken dadduma pay a maseknan nga ahensia ti forced evacuation procedures gapu iti kellaat a panagngato ti lebel ti danum gapu iti agtultuloy a napigsa a tudo iti Annafunan East, Tuguegarao City. (Liezle Basa Iñigo/Philippine News Agency)
