Kinompirmar ti Department of Foreign Affairs (DFA) a 23 nga Overseas Filipino worker (OFW) ti naapektaran iti uram iti maikalima a kadsaaran ti pasdek iti Hong Kong, idinto a maysa ti mapukpukaw.
Idi rabii ti Nobiembre 27, inwaragawag ti DFA nga awan pay ti nakompirmar a natay a Filipino gapu iti uram iti Tai Po iti New Territories.
Simmarungkar ti Philippine Consulate iti Hong Kong a kinadua ti MWO-HK ken OWWA-HK, kadagiti pagbakuitan nga impaay ti gobierno ti Hong Kong, tapno tulonganda dagiti Filipino a naapektaran ti uram.
Kuna ti DFA a nupay kasapulan dagiti 23 nga OFW ti tulong, maysa kadakuada ti adda iti intensive care unit ti lokal nga ospital ti Hong Kong.
DOH, namakdaar iti posible a pannakadangran iti Traslacion
Innayon ti DFA a makikikoordinardan iti Hong Kong Police Force, Labour Department and Home Affairs Department, tapno sapulenda no sadino ti yan ti mapukpukaw a Filipino.
Mapanen a 65 ti natay gapu iti maibilang a kadakkelan nga uram iti Hongkong, idinto a ginasut pay ti mapukpukaw.
Kinuna dagiti autoridad ti Hong Kong nga "under control" itan ti uram, ngem agtultuloy latta ti panangsawarda kadagiti mapukpukaw a residente. (Raymund Antonio/Manila Bulletin//Lito Hilidon/Bannawag)
