Saan a dakamaten ni dati a presidente Rodrigo Duterte ti kalinteganna nga agparang iti Appeals Chamber ti International Criminal Court (ICC) iti panangipaulogda iti pangngeddengda mainaig iti inyapelarda nga interim release.
Babaen ti maysa a waiver a pinirmaan ni Duterte idi Nobiembre 25, impakaammona iti Appeals Chamber ti saanna nga idadar-ay, ken pinusganna ti abogadona a mangibagi kenkuana.
Naituding nga ipaulog ti Appeals Chamber ti pangngeddengda inton Biernes Nobiembre 28 iti 5:30 iti malem, oras iti Manila.
Inyapelar ti kampo ni Duterte ti pangngeddeng ti Pre-Trial Chamber I idi Oktubre 10 a nangilaksid iti “Urgent Request for Interim Release” ken “Renewed Request for Interim Release" nga impila dagiti abogado ni Duterte. (Argyll Cyrus Geducos/Manila Bulletin//Lito Hilidon/Bannawag)
