Saan pay nakanselar ti pasaporte ni dati nga Ako Bicol Party-list representative Zaldy Co, segun iti Department of Foreign Affairs (DFA) idi Disiembre 1, kasungani iti imbaga ni Department of Interior and Local Government (DILG) Secretary Jonvic Remulla.
Kinuna ni panakangiwat ti DFA Angelica Escalona nga awan pay naawat ti DFA a pammilin manipud iti korte a mangpakanselar iti pasaporte ni Co.
Inlawlawag daytoy ti DFA kalpasan nga impalgak ni Remulla iti maysa a press conference ti ipagarupna a pannakakanselaren ti pasaporte ni Co.
Kinuna pay ni Remulla nga atapenda nga adda iti Portugal ni Co, ta adda met Portuguese passport daytoy, banag a mamagparikut iti pannakaarestarna iti pannakairamanna kadagiti naanomalia a flood control project. (Joseph Pedrajas/Manila Bulletin//Lito Hilidon/Bannawag)
