Posible a sumrek ti low-pressure area (LPA) iti Philippine Area of Responsibility (PAR) ita nga aldaw, Disiembre 3, ket managanan daytoy iti "Wilma" apaman nga agbalin a tropical cyclone, segun iti Philippine Atmospheric, Geophysical and Astronomical Services Administration (PAGASA).
Kinuna ni PAGASA weather specialist Loriedin De la Cruz-Galicia a bambantayanda ti LPA nga adda iti 1,201 a kilometro ti abagatan a daya ti Luzon, nga adda pay laeng iti ruar ti pagilian.
Kinuna ni Galicia a dakkel ti posibilidad nga agbalin a bagyo ti LPA iti las-ud ti 24 nga oras ken sumrek iti pagilian ita nga aldaw.
Innayon ni Galicia a dakkel ti posibilidadna nga agdisso ti dawel ti panawen iti Eastern Visayas wenno iti Caraga region inton Sabado (Disiembre 5) wenno Domingo (Disiembre 6).
Mapukpukaw a nobia, nasarakan iti Pangasinan
Iti sabali a bangir, kinuna ti PAGASA a makarikna iti nalamiis ken natudo a paniempo ti dakkel a paset ti Filipinas ita nga aldaw gapu iti amian (northeast monsoon) ken ti Intertropical Convergence Zone (ITCZ) nga agsaksaknap iti pagilian. (Merlina Hernando-Malipot/Manila Bulletin//Lito Hilidon/Bannawag)
