Binabalaw ni Sekretario ti Department of Public Works and Highways (DPWH) Vivencio "Vince" Dizon ti saan nga agtutunos a report dagiti a para iti impraestruktura iti Siargao, kalpasan a natakuatanna iti on-site inspection a saan pay a nalpas dagit dadduma a proyekto, nupay inlistada a nalpasen dagitoy.
Sinarungkaran ni Dizon ti Surigao del Norte idi Disiembre 2 tapno personal nga kitaenna dagiti maar-aramid a proyekto iti Siargao.
Naisurat iti report a "nalpasen" idi 2022 dagiti rangtay ti Maasin ken Asinan iti Pilar, idinto a saan pay a nalpas dagitoy ket saan latta a mausar.
Dagitoy a paliiwda ti namrayanda a nangkuestionar no kusto met laeng ti panangbantay ken panangireportda kadagiti proyekto.
Senado, pinasingkedanna ti ₱6.793-trilion a nailian a badiet para 2026
Natakuatanda pay a 35 a porsiento pay laeng ti nalpas iti flood control project iti Barangay Tuburan, Del Carmen, idinto a ti naikabil iti report ket "95 percent complete."
Imbilin a dagus ni Dizon a rumbeng a mapapardas ti pannakaipatakder dagiti naitantan a proyekto tapno mairingpas daytoy kas iti naituding a tiempo.
Paimbestigaran ni Dizon ti di panatutunos dagiti report, agraman ti pannakatingiting iti maysa a contractor a maipagarup nga adda pakainaiganna ken ni Surigao del Norte 1st District Rep. Francisco “Bingo” Matugas, tapno maammuanda dagiti makagapu iti pannakaitantan ti proyekto. (Trixee Rosel/Manila Bulletin//Lito Hilidon/Bannawag)
