Pimmigsa ket nagbalinen a tropical depression a napanagan iti "Wilma" ita nga aldaw, Disiembre 4, ti low-pressure area (LPA) a bambantayan ti Philippine Atmospheric, Geophysical and Astronomical Services Administration (PAGASA).
Segun iti PAGASA, itay 8:00 iti agsapa (Disiembre 4), nagbalin a tropical depression a ni Wilma ti LPA iti daya ti Eastern Visayas. Mangiwaragawag ti PAGASA kadagiti Tropical Cyclone Bulletin mangrugi iti 11:00 iti aldaw.
Sakbay daytoy, kinuna ni PAGASA weather specialist Chenel Dominguez a mabalin nga umasideg ti tropical depression iti daga ken posible nga agdisso iti Eastern Visayas wenno iti Southern Luzon.
Pinakdaaran ti PAGASA dagiti agindeg iti lugar a mabalin a tuparen ti tropical depression a saganaanda ti tudo a yeg ti dawel ti panawen.
Mapukpukaw a nobia, nasarakan iti Pangasinan
Innayon ti PAGASA nga apektaran latta ti amian (northeast monsoon) ti dadduma a paset ti pagilian. (Jel Santos/Manila Bulletin//Lito Hilidon/Bannawag)
