Pinalubosan ti Korte Suprema (SC) ti panagpaay ti Office of the Solicitor General (OSG) a kas abogado dagiti opisial ti gobierno a respondent iti petision a nangkuestionar iti pannakaarestar ken pannakayawat ni dati a presidente Rodrigo Duterte iti International Criminal Court (ICC) idi Marso 11.
Pinatgan ti SC ti kiddaw ti OSG a ni Solicitor General Darlene Marie B. Berberabe ti mangibagi kadagiti respondent nga opisial ti gobierno.
Ngem iti full court session a naangay idi Disiembre 3, awan ti naipakaammo no tinaming ti SC ti kiddaw ni Berberabe a mangbalusingsing iti kiddaw ni Duterte a pannakaipaulog ti temporary restraining order (TRO) kontra iti pannakaarestar ni Duterte.
Saan pay nga ammo no pagsasaritaan ti sibubukel a Korte Suprema ti komento ti OSG mainaig iti kiddaw ni Duterte a TRO.
DOH, namakdaar iti posible a pannakadangran iti Traslacion
Segun iti Office of the President, ti panagpaay ti OSG a kas abogado ti gobierno iti petision ni Duterte ket maitunos iti linteg, ta isu ti annongen ti OSG. (Rey G. Panaligan/Manila Bulletin//Lito Hilidon/Bannawag)
