Mangrugi iti Enero 1-15, 2026 a bilang ti Bannawag, agpaayen ni Roy V. Aragon a Literary Editor ti Bannawag kalpasan ti pannakadutokna iti nasao a puesto idi Disiembre 1, 2025.
Sakbay ti pannakadutok ni Aragon a Literary Editor, nadutokan a Content Producer ti website ti Bannawag, ti bannawag.mb.com.ph, malaksid nga isu pay ti Poetry Editor, kaduana ni Lito P. Hilidon, a nadutokan met, malaksid a kas Content Producer, a kas Entertainment Editor ti Bannawag.
Kas Literary Editor, sakupen metten ti akem ni Aragon ti dati nga akemna a kas Poetry Editor.
Tubo ti Brgy. Mabasa, Dupax del Norte, Nueva Vizcaya, maibilang ni Aragon a maysa ita kadagiti kararaniagan ti bituenna iti Literatura Ilokana. Kaudian a naipaay kenkuana a pammadayaw ti panangpili kenkuana ti National Book Development Board (NBDB) a grantee iti nobela nga Ilokano.
Pannakatay ni dati a DPWH Usec. Cabral, maim-imbestigar
Suktan ni Aragon ni Ariel S. Tabag, nagpaay nga editor ti Literatura manipud iti Pebrero 16-29, 2024 agingga iti Oktubre 16-30, 2025 a bilang ti Bannawag. Nadutokan met itay nabiit ni Apo Tabag a National Commission for Culture and the Arts-NCLA executive member for Northern Luzon a kas sukat ni Neyo E. Valdez a mangipamaysa metten iti trabahona iti National Tobacco Administration (NTA).
