Pinalubosan ti Sandiganbayan ti panagtitipon dagiti kaso a graft ken malversation a naipila kontra ken ni dati a kongresman Zaldy Co ken 15 pay nga akusado tapno “maiganetget ti napardas a pannakarisur dagiti kaso.”
Saan ketdi a nairaman iti panagmatitipon dagiti kaso ti maysa a kaso ti graft kontra ken ni Co a linaon ti maikadua a kaso nga inpila ti Office of the Ombudsman (OMB).
Iti pannakatipon dagiti kaso, dua a kaso ti tamingen ti fifth division ti Sandiganbayan.
Iti panamagtitipon dagiti kaso, ti dibision nga addaan iti kababaan a bilang ti case docket ti mangasikaso iti pannakabista dagiti kaso.
Dati a presidente Duterte, 'fit to participate' iti ICC, segun kadagiti medical expert
Naidarum ni Co ken ti 15 a dadduma pay nga akusado iti panaglabsing iti Section 3(e) ti Republic Act No. 3019, Anti-Graft and Corrupt Practices Act, iti saklang ti fifth division; iti Article 171(4) ti Revised Penal Code wenno Malversation of Public Funds babaen ti Falsification of Public Documents iti saklang ti sixth division.
Iti resolusion a napetsaan iti Nobiembre 27, pinatgan ti anti-graft court ti motion to consolidate cases nga impila dagiti prosecutor ti Office of the Office of the Ombudsman.
Inkalintegan ti prosekusion a nagastos ken makabusbos iti panawen dagiti agsisina a panagbista.
Dinakamat ti Sandiganbayan ti Rule 119, Section 22 ti Rules of Court, a mangibagbaga a "dagiti darum para kadagiti naglabsingan a naibatay kadagiti isu met laeng a fact wenno kas paspaset ti maysa a serye dagiti isu met laeng a naglabsingan ket mabalin a mabista a sangsangkamaysa segun iti diskresion ti korte."
Da Associate Justice Sarah Jane T. Fernandez ken Associate Justices Kevin Narce B. Vivero ken Lord A. Villanueva ti nangpirma iti resolusion.
Gapu ta inrekomendar dagiti prosecutor a saan a mabalin ti agpiansa gapu iti kaso a malversation, nakabalud itan dagiti akusado iti Camp Karingal iti Quezon City ken iti Payatas new jail facility.
Dagiti naidarum, a nag-plead a "not guilty" iti kaso a graft ken malversation ket da dati a Department of Public Works and Highways (DPWH) Region IV-B Regional Director Gerald A. Pacanan, Assistant Regional Director Gene Ryan A. Altea, Assistant Regional Director Ruben D. Santos, Jr., Construction Division Chief Dominic G. Serrano, Project Engineer III Felisardo S. Casuno, Accountant IV Lerma D. Cayco, Maintenance Division Head Juliet Calvo, officer-in-charge Chief of Quality Assurance and Hydrology Division Dennis Pelo Abagon, ken Planning and Design Division officer-in-charge Montrexis Tamayo.
Saan pay a nakemmeg ni Co, agraman ni Materials Engineer Timojen Adiong Sacar, kasta met ti presidente ti Sunwest Construction and Development Corporation a ni Aderma Angelie D. Alcazar, tesorero Cesar X. Buenaventura, ken dagiti kameng ti board of directors a da Consuelo Dayto Aldon, Engineer Noel Yao Cao, ken Anthony L. Ngo.
Sakbayna, nangipaulog ti Office of the Ombudsman iti innem a bulan a preventive suspension kontra kadagiti 12 nga akusado nga opisial ti DPWH a da Pacanan, Altea, Santos Jr., Serrano, Casuno, Sacar, Tamayo, Calvo, Abagon, Cayco, Lopez, ken Camero.
Nagtaud ti suspension iti kaso administratibo a kagiddan ti kaso a kriminal," kinuna ni Assistant Ombudsman Mico Clavano.
Nairaman amin dagiti akusado iti irregular a ₱289 a milion a flood-control project para iti construction of a road dike iti igid ti Mag-Asawang Tubig River iti Naujan, Oriental Mindoro, a naduktalan a saan a nasayaat ti kalidadna. (Czarina Nicole Ong Ki/MB)
