Naglusulos ni Department of Justice (DOJ) Undersecretary Jojo Cadiz, a nainaig kadagiti naanomalia a flood control project.
Pinasingkedan ni Palace Press Officer ken Communications Undersecretary Claire Castro ita a Biernes, Disiembre 5, a nagikkat ni Cadiz iti puestona kalpasan nga inraman ni dati a kongresman Zaldy Co iti panagkunniber iti flood control projects.
Kinuna ni Castro nga itednanto ti dadduma pay nga updates inton inawaten ni Presidente Marcos Jr. ti panaglusulos ni Cadiz.
Dati a presidente Duterte, 'fit to participate' iti ICC, segun kadagiti medical expert
Inraman ni Co ni Cadiz gapu iti mapapati a panagawat daytoy iti kickbacks manipud kadagiti flood control project a mapapati a para ken ni Marcos.
Idi masaludsod no napakaammuan ti presidente kadagiti alegasion kontra ken ni Cadiz, kinuna ni Castro a saan pay a napagsasaritaan ti maipagarup a pakainaigan ni Cadiz iti maysa a construction company. (Betheena Unite/MANILA BULLETIN)
