Apagapaman a pimmardas ni Tropical Depression (TD) a "Wilma" ita nga aldaw, Disiembre 5, ket agtultuloy nga agpalaud-abagatan a laud iti Philippine Sea.
Iti waragawag ti Philippine Atmospheric, Geophysical and Astronomical Services Administration (PAGASA) itay 5:00 iti parbangon, nagtalinaed iti Tropical Cyclone Wind Signal (TCWS) No. 1 dagiti nadumaduma a lugar iti Luzon, Visayas, ken Mindanao.
Nasaripatpatan ti PAGASA ti sentro ni TD Wilma nga adda iti 245 a kilometro iti daya ti Borongan City, Eastern Samar, nga agpigsa iti 45 a kilometro kada oras ken pugso agingga iti 55 a kilometro kada oras, ken addaan napigsa nga anginna a 220 a kilometro kada oras manipud iti sentrona. Agpalaud-abagatan a laud iti kapardas a 20 a kilometro kada oras.
Nagtalinaed iti Signal No. 1 ti abagatan a paset ti kadaklan ti Masbate (Cataingan, Pio V. Corpuz, Esperanza, Placer, Cawayan, Palanas, Dimasalang); Northern Samar, Eastern Samar, Samar, Biliran, Leyte, Southern Leyte; ti amianan ken sentro a paset ti Cebu (Daanbantayan, Medellin, City of Bogo, San Remigio, Tabogon, Borbon, Tabuelan, Tuburan, Sogod, Catmon, Asturias, Carmen, Danao City, Balamban, Compostela, Liloan, Consolacion, Cebu City, Mandaue City, Cordova, Lapu-Lapu City, Toledo City, Pinamungahan, San Fernando, City of Naga, Minglanilla, City of Talisay, Aloguinsan, City of Carcar, Sibonga, Barili, Alcantara, Ronda, Dumanjug, Argao, Moalboal, Badian, Dalaguete, Alcoy), agraman ti Bantayan ken Camotes Island; Bohol; ti amianan ken dayaen a paset ti Negros Occidental (Sagay City, City of Escalante, Toboso, Calatrava, Enrique B. Magalona, City of Victorias, Manapla, Cadiz City, Bacolod City, City of Talisay, Silay City, Salvador Benedicto, San Carlos City, Murcia, Bago City, La Carlota City, La Castellana, Moises Padilla); ti amianan a paset ti Negros Oriental (City of Guihulngan, Canlaon City, Vallehermoso, La Libertad); ti daya a paset ti Iloilo (San Dionisio, Estancia, Batad, Carles, Concepcion, Ajuy, Sara, Balasan, Lemery, Barotac Viejo, San Rafael); kenti daya a paset ti Capiz (Pilar, President Roxas); Surigao del Norte, agraman ti Siargao ken Bucas Grande Islands; Dinagat Islands; ti amianan a paset ti Surigao del Sur (Carrascal, Cantilan, Madrid, Carmen, Lanuza); ti amianan a paset ti Agusan del Norte (Kitcharao, Jabonga, Santiago, Tubay, City of Cabadbaran, Remedios T. Romualdez, Magallanes); ken Camiguin.
Mapukpukaw a nobia, nasarakan iti Pangasinan
Segun iti PAGASA, mabalin nga agdisso ni Wilma wenno lumabas iti asideg ti Eatern Visayas wenno Dinagat Islands ita nga aldaw (Disiembre 5) agingga inton Sabado (Disiembre 6). (Merlina Hernando-Malipot/Manila Bulletin//Lito Hilidon/Bannawag)
