Saan latta nga agun-uni ti International Criminal Court (ICC) mainaig iti naireport a naipaulog a warrant of arrest a maibusor ken ni Senador Bato Dela Rosa gapu iti maipagarup a pannakipasetna iti pannakapapatay ti rinibu a biktima ti war on drugs nga insayangkat ni dati a presidente Rodrigo Duterte.
"Saankami nga agkomkomento mainaig kadagiti pattapatta," kuna ti ICC.
Daytoy ti inwaragawag ti ICC kalpasan ti sinao ni dati a presidential spokesman Harry Roque a rimmuaren ti warrant of arrest ni Dela Rosa.
Kastoy met ti ibagbaga ni Ombudsman Jesus Crispin Remulla.
Senado, pinasingkedanna ti ₱6.793-trilion a nailian a badiet para 2026
Isu metten ti nagrugian ti saan a panagparang ni Dela Rosa iti publiko -- uray kadagiti budget deliberation ti Senado.
Ni Dela Rosa ti dinutokan ni Duterte a hepe ti Philippine National Police (PNP) idi impakatna ti “Oplan Tokhang” a kampania ni Duterte kontra iti illegal a droga.
Patien dagiti nangidarum iti ICC a da Duterte ken Dela Rosa ti nangbukel iti polisia ti war on drugs a nangpapatay iti rinibu a biktima a kaaduanna ket marigrigat a Filipino iti lugar dagiti informal settler (iskuater). (Raymund Antonio/Manila Bulletin//Lito Hilidon/Bannawag)
