Nadutokan ni P/Lt. Reynald Ramos a baro nga Officer-in-Charge ti Narvacan Municipal Police Staton (MPS). Sinuktan ni Lt. Ramos ni P/Major Roger Baling-oay, Jr. a nayakar iti Candon City CPS a kas Deputy Chief of Police.
Iti panagsarita ni Lt. Ramos iti naiwayat nga anti-violence against women and children seminar iti Narvacan itay Disiembre 9, 2025 iti Narvacan Covered Court, inkari ti hepe nga aramidenna amin a kabaelanna tapno makapagserbi iti Narvacan ken makatulong iti pannakamantener ti urnos ken talna.
Impanamnama ti hepe nga apaman a malpas ti panagpiesta ti Narvacan, rugiannanto a pasiaren amin dagiti 34 a barangay ti nasao nga ili.
“Namnamaenyo a makitadakto nga agrekorida kadagiti barangayyo iti inaldaw tapno personal nga ammuek ti kasasaadyo,” kinuna ni Lt. Ramos iti panagsaritana.
