Binilin ni Presidente Marcos Jr. dagiti senador ken kongresman nga ipangpangrunada nga ipasa dagiti uppat a kangrunaan a linteg, agraman ti anti-dynasty bill ken ti Party-list System Reform Act.
Daytoy ti inwaragawag ni Undersecretary ti Presidential Communications Office (PCO) Claire Castro kalpasan ti pannakipatang ni Marcos kadagiti kameng ti Legislative-Executive Development Advisory Council (LEDAC) ita nga aldaw, Disiembre 9, tapno ibilinna kadagiti mammanday-linteg nga ipasada koma dagiti kangrunaan a paglintegan iti kabiitan a panawen.
Kayat ni Marcos a maipangpangruna ti pannakaanamong dagiti sumaganad a singasing a linteg: Anti-dynasty bill, Independent People's Commission Act, Party-list System Reform Act, ken ti Citizens Access and Disclosure of Expenditures for National Accountability (CADENA) Act tapno maipasdek ti tranparensia ken accountability iti kuarta ti publiko.
Dimmar-ay iti taripnong da Senate President Vicente Sotto III; House Speaker Faustino Dy III; ken Majority Leader Sandro Marcos agraman dadduma pay a dadaulo ti Kongreso.
Retirado a heneral, nakemmeg gapu iti panangsugsog a mangtippuog iti gobierno
Inanamongan pay ti LEDAC ti panawen a maikeddeng para iti pannakaipasa ti 2026 General Appropriations Bill ken ti pannakaidatag dagiti nailista a gakat a masapul a pirmaan ti Presidente. (Betheena Unite/Manila Bulletin//Lito Hilidon/Bannawag)
