Mabalin a maarestar ni Sarah Discaya ita a lawas kalpasan ti manamnama a pannakaipaulog ti warrant of arrest gapu iti maipagarup nga impatakderna a ghost flood control project,
Daytoy ti kinuna ni Presidente Marcos Jr. iti maysa a video report ita nga aldaw, Disiembre 9.
Impalgak pay ni Marcos ti pakaammo iti isusuko dagiti walo nga empleado ti Department of Public Works and Highways (DPWH) iti Davao Occidental.
Segun ken ni Marcos, naipaulogen ti freeze order kadagiti bank account, sanikua, ken eroplano dagiti nakipaset iti naanomalia a flood control project nga im-imbestigaren ti gobierno.
Mapukpukaw a nobia, nasarakan iti Pangasinan
Mairaman iti freeze order nga impaulog ti Court of Appeals dagiti bank account ken sanikua ti Silverwolves Construction Corporation ken Sky Yard Aviation Corporation, agraman ti personal account ken sanikua dagiti tao nga im-imbestigarenda -- agraman da Rep. Eric Yap ken Rep. Edvic Yap.
Kinuna ni Marcos nga agdagupen iti 280 a bank account ti natengngel, agraman ti 22 nga insurance policy, tallo a securities account, ken walo nga aircraft a buklen dagiti eroplano ken helikopter nga addaan pakainaigan iti Sky Yard Aviation.
Innayon ni Marcos a rumbeng a matengngel dagitoy a sanikua tapno maliklikan ti pannakailakoda, a mabalin a makatubengton iti panangsamsam ti gobierno kadagiti maatap a natakaw a kuarta ti publiko. (Betheena Unite/Manila Bulletin//Lito Hilidon/Bannawag)
