Binabalaw ti abogado ni Charlie “Atong” Ang ti resolusion ti Department of Justice (DOJ) a nangirekomendar iti pannakairadumna mainaig iti pannakapukpukaw ti nasurok a 30 a "sabungeros" wenno mammallot.
Kinuna ni Abogado Gabriel Villareal a mangipilada iti motion for reconsideration (MR) iti DOJ tapno kiddawenda a balusingsingenda ti pangngeddengda a pannakairaman ni Ang kadagiti maidarum iti kidnapping with homicide ken kidnapping with serious illegal detention.
Segun ken ni Villareal, napnuan biddut ken saan a patas ti resolusion ti DOJ, ta nagpannuray laeng dagiti imbestigador iti testimonia dagiti testigo a saan a mapagtalkan.
Kinuna ni Villareal a rumbeng koma a binilin ti DOJ ti Philippine National Police-Criminal Detection and Investigation Group (PNP-CIDG) nga ulitenda ti imbestigasionda.
Kasapulan ti natibker ken nainkalintegan a pagtaktakderan iti parikut iti WPS --NMC
Dakkel ti kompiansa ni Villareal a maibutaktakda dagiti mapapati a malisioso ken palso a testimonia ni Patidongan iti umno a panawen. (Aaron Recuenco/Manila Bulletin//Lito Hilidon/Bannawag)
