Nagkaykaysa a sinurat ken impila da House Speaker Faustino "Bojie" Dy III ken presidential son Ilocos Norte 1st district Rep. Sandro Marcos ti bersionda iti singasing nga Anti-Political Dynasty Act.
Daytoy a gakat a naidatag iti Kamara kas House Bill (HB) No.6771, ket naibasa iti plenario idi Disiembre 10.
Naidatag daytoy iti Committee on Suffrage and Electoral Reforms nga idadauluan ni Lanao del Sur 1st district Rep. Zia Alonto Adiong.
Daytoy a gakat ti mangpapigsa iti gandat ti Kamara a mangipasa iti Anti-Political Dynasty Act -- maysa kadagiti narikut a linteg iti politikal a kasasaad ti Filipinas -- iti maika-20 a Kongreso.
Mapukpukaw a nobia, nasarakan iti Pangasinan
Maibasar iti HB No.6771, maibilang a "political dynasty" ti pannakaipamaysa ken panagturay iti napolitikaan a bileg babaen dagiti agkakabagian.
Segun iti naipila a singasing a linteg, dagiti asawa, kakabsat, ken kakabagian (agingga iti fourth civil degree of affinity or consanguinity) ti nabotosan nga opisial ket maiparit nga aggiddan nga agakem iti naituding a pagsaadan iti gobierno kas iti distrito, siudad, ili, probinsia, ken uray iti barangay. (Ellson Quismorio/Manila Bulletin//Lito Hilidon/Bannawag)
