Nasdaaw ni ACT Teachers Party-list Rep. Antonio Tinio iti kaadu ti pagilian a kayat a papanan ni Davao City 1st district Rep. Paolo Duterte iti personal a panagbiahena, ta 17 a pagilian ti papananna iti las-ud ti dua a bulan laeng.
"Ania kadi, isuna, mangibagi iti distritona, wenno Miss Universe?" kuna ti Tinio idi Mierkoles, Disiembre 10, kas reaksionna iti kiddaw ni Duterte a travel clearance manipud iti Office of the Speaker.
Immuna a naireport a rimmuar ti dokumento, kinompirmar ti daulo ti Kamara nga adda kiddaw ni Duterte a travel clearance manipud Disiembre 15, 2025 agingga iti Pebrero 20, 2026.
Mairaman kadagiti lugar a kayat a papanan ni Duterte ti Hong Kong, China, Malaysia, Indonesia, South Korea, Japan, Vietnam, Cambodia, United States, Australia, United Kingdom, the Netherlands, Germany, France, Belgium, Italy, ken Singapore.
Mapukpukaw a nobia, nasarakan iti Pangasinan
Binabalaw ni Tinio ti gandat ni Duterte nga agbiahe iti 17 a pagilian iti las-ud ti dua a bulan, ket kinunana nga annongen ti maysa a diputado nga ibagian ti distritona ket rumbeng a mangnamnama dagiti umili iti distritona iti nasaysayaat a serbisio kadagiti imbotosda a kongresman.
Indagadag ni Tinio ken ni House Speaker Faustino "Bojie" Dy II a dina koma patgan ti travel clearance a kiddaw ni Duterte, ta maysa daytoy a panangabuso iti pagsaadan idinto a dagiti umili ti mangpaspasueldo kenkuana. (Ellson Quismorio/Manila Bulletin//Lito Hilidon/Bannawag)
