Aganay a 13 a person with disabilities (PWDs) iti Ilocos Sur ti sinagutan ti Philippine National Police Regional Office 1, iti panangidaulo ni Brig. Gen. Dindo Reyes.
Naiwayat iti mismo a PNP Regional Office 1, Camp Gen. Oscar Florendo, San Fernando City, ti pannakaipaima dagiti wheelchair kadagiti benepisiario a PWDs.
Kas kinuna ni Col. Agosto M. Asuncion, PNP Provincial Director iti Ilocos Sur, adda dagiti sumagmamano a saan a nakapan a personal iti regional PNP Command gapu iti kasasaadda. Dagitoy ti mapanto iti Camp Pres. Elpidio Quirino iti Bulag, Bantay ta idiayto ti pangalaanda kadagiti wheelchair.
Makita iti ladawan ni Gen. Dindo Reyes, kaduana ni Col. Catalino Gadia, CU, PCADU ti ISPPO, ken maysa pay a police personnel, idi yawatda ti wheelchair iti maysa kadagiti resipiente.
