Adda dagiti dokumento a naala dagiti kameng ti National Bureau of Investigation (NBI) iti condominium unit ni dati a kongresman Zaldy Co a napateg iti panagimbestigarda kadagiti naanomalia a flood control project.
Segun ken ni panakangiwat ti NBI Palmer Mallari, adda imet dagiti kameng ti NBI Organized and Transnational Crime Division (NBI-OTCD) a search warrant nga impaulog ti korte idi nagsawarda iti condo unit ni Co iti Bonifacio Global City iti Siudad ti Taguig.
Kinuna ni Mallari a naballigi ti operasion ti NBI-OTCD ta naalada dagiti dokumento a patienda a mabalin a mausar a kas ebidensia, nupay kasta, saanda nga impalgak no ania ti linaon dagiti dokumento a naalada iti tallo a kaha de yero.
Innayon ni Mallari nga idiligda dagiti dokumento kadagiti iduldulin ti NBI ken insubmiter dagiti testigo.
Retirado a heneral, nakemmeg gapu iti panangsugsog a mangtippuog iti gobierno
Maisubli ti search warrant iti korte a nangyetnag iti daytoy, ket mangisubmiter ti NBI iti imbentario dagiti dokumento a naalada iti condominium unit ni Co. (Jeffrey Damicog/Manila Bulletin//Lito Hilidon/Bannawag)
