Plunder ken dadduma pay a kaso a kriminal ti naipila iti Office of the Ombudsman (OMB) kontra ken ni Bise Presidente Sara Duterte ken 14 pay nga opisial, gapu iti mapapati a di umisu a pannakausar iti ₱612.5 a milion a confidential fund ti Office of the Vice President (OVP) ken ti Department of Education (DepEd) idi nagpaay a kas daulo ti ahensia.
Malaksid iti plunder a panaglabsing iti Republic Act No. 7080 (kas inamendaran ti RA 7659), naidarum pay da Duterte ken dagiti opisial iti panaglabsing iti Article 210 ken 212 ti Revised Penal Code mainaig iti panagpasuksok (bribery); Sections 3(a) ken (e) ti R.A. No. 3019 wenno ti Anti-Graft and Corrupt Practices Act; Article XI, Section 2 ti 1987 Constitution mainaig iti panangdadael iti panagtalek ti publiko; ken pananglabsing iti Konstitusion.
Nairaman a naidarum da Chief of Staff (ni Duterte) Zuleika T. Lopez, Assistant Secretary ken Assistant Chief of Staff Lemuel G. Ortonio, Director for Administrative and Financial Service Rosalynne L. Sanchez, Chief Accountant Julieta L. Villadelrey, Special Disbursing Officer Gina F. Acosta, Vice Presidential Security and Protection Group (VPSPG) Commander Col. Raymund Dante P. Lachica, Head of Procuring Entity Michael Wesley T. Poa, Director for Strategic Management Office Sunshine Charry A. Fajarda, Undersecretary for Finance Service Annalyn M. Sevilla, dati a daulo ti Procurement Entity Gloria Mercado, Chief Accountant Ma. Rhunna L. Catalan, dati nga special disbursing officer Edward D. Fajarda, dati nga undersecretary for administration Ret. Maj. Gen. Nolasco A. Mempin, ken VPSPG member Lt. Col. Dennis Nolasco.
Dimmatag iti OMB idi Disiembre 12 da 2025 Ramon Magsaysay Awardee Fr. Flaviano Villanueva, "running priest" Fr. Roberto Reyes, dati a presidential adviser on the Peace Process Teresita Quintos-Deles, UP Professor Emerita Dr. Sylvia Estrada Claudio, ekonomista ken dati a Department of Finance undersecretary Dr. Maria Cielo Magno, mannurat ken anti-corruption advocate Christopher Cabahug, ken daulo dagiti agtutubo a da Matthew Christian Silverio ken John Lloyd Crisostomo, tapno ipilada ti kaso kontra ken ni Duterte ken dadduma pay nga opisial. (Czarina Nicole Ong Ki/Manila Bulletin//Lito Hilidon/Bannawag)
