Insayangkat ti Armed Forces of the Philippines (AFP) ken ti United States Indo-Pacific Command (US Indopacom) ti 10th bilateral Maritime Cooperative Activity (MCA) iti West Philippine Sea (WPS) idi Disiembre 10 tapno mapasingkedan ti panagtinnulongda iti operasion gapu iti kumarkaro a risiris iti pagsusupiatan a baybay iti China.
Naangay ti panagsanay ti dua a puersa iti uneg ti exclusive economic zone (EEZ) ti Filipinas, iti laud ti Zambales, segun ken ni AFP chief information officer Col. Xerxes Trinidad.
Kinuna ni Trinidad a naisayangkat ti panagsanay makalawas kalpasan a naangay ti 9th MCA manipud Disiembre 9 agingga 10, a senial ti panangrugi iti napapardas a joint maritime activities dagiti agkadua a puersa.
Naangay ti panagsanay kas pakdaar iti dumakdakkel a presensia ti China iti tarigagayda a mangkontrol iti WPS.
₱6.793-trilion a national budget para iti 2026, inleppas ti Bicam
Idi Disiembre 12, tallo a Filipino a mangngalap ti nadangran kalpasan a pinaturongan ida dagiti kameng ti China Coast Guard (CCG) ken bapor a militia iti water cannon iti Escoda (Sabina) Shoal iti Spratly Islands. (Martin Sadongdong/Manila Bulletin//Lito Hilidon/Bannawag)
