Direkta a maipan kadagiti ospital iti local government unit (LGU) ti singasing a nayon a pondo para iti Medical Assistance for Indigents and Financially Incapacitated Patients (MAIFIP), segun iti Malakanyang idi Disiembre 15.
Kinuna ni Undersecretary ti Presidential Communications Office (PCO) Claire Castro a kidkiddawen ti Department of Health (DOH) a manayonan koma ti pondo ti MAIFIP tapno maisaknap ti zero balance billing ken mapapintas ti serbisio nangruna kadagiti ospital a saan a direkta nga imatmatonan ti DOH.
Inlawlawag ni Castro a saan nga agdalan kadagiti politiko ti pondo, kas iti ibagbaga dagiti dadduma a grupo a mabalin a pababaen ti programa ti dayaw ti tao.
Kinuna ni Castro nga agdiretso ti pondo kadagiti LGU, ospital ti LGU, ket ti DOH ti mangipatungpal iti daytoy.
Dati a presidente Duterte, 'fit to participate' iti ICC, segun kadagiti medical expert
Maibasar iti singasing a 2026 national budget, manipud iti ₱a bilion, agbalin a ₱51.6 a bilion ti pondo ti MAIFIP.
Inlawlawag ti Malakanyang a masapul a manayonan ti pondo tapno maan-anay ti pannakaipaay iti pannakatagiben iti salun-at dagiti umili, ken masigurado a dagiti marigrigat a pasiente ket maikkan iti umdas a medikal a tulong. (Ma. Teresa Montemayor/PNA//Lito Hilidon/Bannawag)
