Innamongan dagiti kameng ti bicameral conference committee (bicam) idi Disiembre 16 ti singasing a badiet ti Office of the Vice President (OVP) nga aggatad iti ₱889 a milion para iti 2026.
Segun ken ni Senate Finance Committee Chairperson Senator Sherwin Gatchalian, insingasing ti Senado ti badiet ti OVP kas nailanad iti National Expenditure Program (NEP) a ₱889 a milion.
Nasegundaran ket dagus a naaprobaran daytoy.
Itay kallabes, inikkan ti Senado ti badiet ti OVP a nangatngato iti ₱156 a milion ngem iti bersion ti Kamara, a ₱733 a milion.
Asuncion, baro nga Editor ti Bannawag
Ni Deputy Majority Leader Mamamayang Liberal (ML) Party-list Rep. Leila de Lima ti nangimosion idi iti Kamara a maksayan koma ti pondo ti OVP para inton sumaruno a tawen gapu iti panagkedked ti bise presidente a dumar-ay iti plenary debate mainaig iti General Appropriations Bill (GAB). (Dhel Nazario/Manila Bulletin//Lito Hilidon/Bannawag)
