Nasamsam ti nagtipon a puersa ti polis ken militar dagiti pagiduldulinan kadagiti napipigsa a paltog dagiti kameng ti New People's Army (NPA) iti Labo, Camarines Norte, segun iti 9th Infantry Division (9ID), idi rabii ti Disiembre 16.
Iti maysa nga interbiu ita nga aldaw, Disiembre 17, kinuna ni 9ID spokesperson Maj. Frank Roldan a nasamsamda ti 26 nga M14 rifle, bala, magasin ti M14 ken M16, kalpasan nga indanon kadakuada dagiti lokal a residente ti Barangay Exciban a pinatalgedan met ti maysa a dati a rebelde.
Kinuna ni Roldan nga ilemlemmeng dagiti NPA dagiti paltogda ta bassiten dagiti kamengda, gapu iti pannakakemmeg wenno isusuko dagitoy.
Impanamnama ni 9ID Commander Maj. Gen. Aldwine Almase kadagiti Bicolano nga agtultuloy ti operasionda tapno maparmekda ti terorismo iti rehion. (Connie Calipay/PNA//Lito Hilidon/Bannawag)
