Inyakar ti Bicameral Conference Committee (bicam) ti naikeddeng a panangratipikarda iti 2026 national budget manipud Disiembre 22 agingga iti 29.
Daytoy ti impalgak da House Committee on Appropriations Chairperson Nueva Ecija 1st district Rep. Mikaela Angela "Mika" Suansing ken Senate Committee on Finance Chairperson Senator Sherwin Gatchalian ita nga aldaw, Disiembre 18, kalpasan a nairingpas ti taripnong ti bicam iti ₱6.793 a trilion a General Appropriations Bill (GAB).
Manamnama a mayawat ti GAB ken ni Presidente Marcos Jr. tapno pirmaanna inton Disiembre 29.
Kaipapananna nga ag-sesion ti Kamara ken Senado agingga inton Disiembre 29.
Retirado a heneral, nakemmeg gapu iti panangsugsog a mangtippuog iti gobierno
Kinuna ni Suansing a mabaliwan manen ti legislative calendar ti Kongreso inton maangay ti plenary session inton Disiembre 22. (Ellson Quismorio/Manila Bulletin//Lito Hilidon/Bannawag)
