Kalpasan ti innem nga aldaw a nainget a pannakatingiting ti pondo dagiti proyekto ti Department of Public Works and Highways (DPWH), inringpas ti Bicameral Conference Committee (bicam) ti panangitunosda kadagiti nagsusupadi a probision ti Kamara ken Senado iti ₱6.793 a trilion a national budget para iti 2026.
Naideklarar ti panag-adjourn ti bicam iti 2:22 iti parbangon ti Huebes, Disiembre 18, kalpasan a naurnosda dagiti agsusupadi a bersion ti General Appropriations Bill (GAB).
Ni Committee on Appropriations Chairperson Nueva Ecija 1st district Rep. Mikaela Angela "Mika" Suansing ti nangidaulo iti biang ti Kamara, idinto a ni Committee on Finance Chairperson Senator Sherwin Gatchalian ti nangidaulo iti biang ti Senado.
Historikal daytoy a pannakabukel ti bicam conference ta iti umuna a gundaway ket naipabuya daytoy babaen iti livestream, idinto a gagangay a saan a maiparang daytoy iti publiko, a naangay iti Philippine International Convention Center (PICC) iti Pasay City.
Di maideklarar a SALN, umdas a pakaikkatan ti impeachable official
Maisubli ti pinal a bersion ti bicam iti Kamara ken Senado tapno aprobaranda, sakbay a mayawat ken ni Presidente Marcos Jr. tapno pirmaanna. (Ellson Quismorio/Manila Bulletin//Lito Hilidon/Bannawag)
