Ni Associate Justice Ma. Belen Ringpis-Liban ti dinutokan ni Presidente Marcos Jr. a kas baro a Presiding Justice ti Court of Tax Appeals (CTA) idi Disiembre 17.
Kinuna ni undersecretary ti Presidential Communications Office (PCO) Claire Castro a ti pannakadutok ni Ringpis-Liban ti mangipakita iti pangkumit ti Presidente iti panangsalimetmet ti panagturay ti linteg ken panangpapigsa kadagiti institusion babaen ti panangidaulo nga addaan prinsipio ken kabaelan.
Ti CTA ti mangrisut kadagiti parikut wenno kaso mainaig iti buis, aduana, ken dadduma pay a kaso ti panguartaan ti gobierno, a kritikal iti pinansial a kinatalged ti gobierno ken panagtalek dagiti agpuonan iti pagilian.
Sakbay ti pannakadutok ni Justice Ringpis-Liban iti CTA, nagpaay isuna a kas hues ti Regional Trial Court ti Malolos ken Quezon City.
Mapukpukaw a nobia, nasarakan iti Pangasinan
Nagpaay pay a kas Solicitor iti Office of the Solicitor General, Confidential Attorney iti Court of Appeals, Legal Assistant iti Philippine National Construction Corporation, ken Legal Associate ti law firm a Puruganan, Ongkiko & Chato.
Nagturpos ni Justice Ringpis-Liban iti Bachelor of Laws iti University of the Philippines College of Law ken adda kursona a Bachelor of Arts in Economics iti University of Santo Tomas. (Argyll Cyrus Geducos/Manila Bulletin//Lito Hilidon/Bannawag)
