Maipagarup a pimmusay kalpasan a natnag ni dati a Department of Public Works and Highways (DPWH) Undersecretary Maria Catalina Cabral iti Bued River iti igid ti Kennon Road iti Tuba, Benguet idi Disiembre 18.
Maysa ni Cabral kadagiti opisial ti DPWH a nairaman iti naanomalia a flood control project.
Segun iti drayber ni Cabral, naudi a nakitana ti amona idi Huebes iti malem.
Kinuna ti drayber nga naggapuda iti Siudad ti Baguio ket agturongda iti La Union idi impaisardeng ni Cabral ti luganda iti maysa a lugar iti Maramal, Camp 5 iti Tuba, ket nagpaibati ni Cabral sadiay.
Senado, pinasingkedanna ti ₱6.793-trilion a nailian a badiet para 2026
Ti lugar ti yan ti kontrobersial a rock slide project a sinarungkaran ni Presidente Ferdinand R. Marcos Jr. sumagmamano a bulanen ti napalabas.
Ngem idi nagsubli ti drayber, awanen sadiay ni Cabral, Nagsubli ti drayber iti Baguio, ngem awan sadiay ti amona.
Nagreport ti drayber iti polisia ti Baguio City a mapukpukaw ni Cabral, ket idi sinapulda, nasarakanda ni Cabral nga awanan ti puot iti Bued River, 20 agingga 30 a metro iti baba ti Kennon Road.
Kinompirmar dagiti polis a pimmusayen ni Cabral iti apaglabas ti tengnga ti rabii ti Biernes, Disiembre 19.
Naipanen iti puneraria ti bangkay ni Cabral.
Isaysayangkat met dagiti polis ti follow-up investigation. (Tristan Lozano/Manila Bulletin//Lito Hilidon/Bannawag)
