Indauluan ni House Speaker Faustino "Bojie" Dy III dagiti kaduana a kongresman iti panangipaayda iti maudi a pammadayaw patgen ken raraemenda a kaduada, ni Antipolo City 2nd district Rep. Romeo Acop, a pimmusay idi Disiembre 21.
Naideklarar ti ipupusay ni Acop, 78, iti siledna iti Assumption Hospital.
Kameng ni Acop ti nabileg a Commission on Appointments iti agdama a maika-20 a Kongreso.
"Pagwadan iti napudno a public servant a natibker ti prinsipiona," kinuna ni Dy ken ni Acop.
Retirado a heneral, nakemmeg gapu iti panangsugsog a mangtippuog iti gobierno
Pinadayawan ni Minority Leader 4Ps Party-list Rep. Marcelino "Nonoy" Libanan ni Acop, a kinunana a maysa a maingel nga agserserbi iti publiko, ken natured a mangsaranget iti kriminalidad.
Linagip ni Mamamayang Liberal (ML) Party-list Rep. Leila de Lima ti panagserbi ni Acop a kas police general, abogado, ken mammanday-linteg, kasta met ti nasaririt a panangpalutpotna kadagiti imbestigasion iti POGO, iti war on drugs ni Duterte, ti panagraira ti fake news, ken panagkunniber kadagiti ahensia ti gobierno. (Ellson Quismorio/Manila Bulletin//Lito Hilidon/Bannawag)
