Binilin ni Presidente Ferdinand Marcos Jr. ti Philippine Health Insurance Corp.(PhilHealth) nga ikkanda iti amnestia dagiti pribado a kompania ken self-employed a Filipino a di nakabayad iti kontribusionda.
Daytoy ti inwaragawag ni Marcos ita nga aldaw, Enero 8, babaen ti video message, a maikkan iti gundaway dagiti panggedan a bayadanda iti las-ud ti makatawen dagiti di nabayadan a kontribusion iti PhilHealth manipud 2013 agingga 2024.
Segun ken ni Marcos, saanen a pabayadan ti PhilHealth dagiti interest kadagiti agbayad iti daytoy a tawen.
Agarup 300,000 a benepisiario ti PhilHealth ti agnumar iti general amnesty nga ipatungpal ni Marcos.
Makabayan bloc, mangipila iti baro nga impeachment complaint kontra ken ni VP Duterte kalpasan ti one-year ban
Indagadag ni Marcos kadagiti kompania nga y-update-da dagiti impormasionda ken irehistroda dagiti empleado iti Yaman ng Kalusugan Program (YAKAP), tapno mapalag-an ti bakbaklayen dagiti umili iti pannakatagiben ti salun-atda. (Betheena Unite/Manila Bulletin//Lito Hilidon/Bannawag)
