Inaguraran ni Presidente Ferdinand R. Marcos Jr. ti Camalaniugan-Aparri Bridge iti probinsia ti Cagayan ita a Huebes, Enero 8.
Kadua ni Marcos ni sekretario ti Department of Public Works and Highways (DPWH) Vince Dizon ken da Gobernador Edgar Aglipay, Bise Gobernador. Manuel Mamba, Mayor Dominador Dayag ti Aparri, ken Mayor Isidro Cabaddu ti Camalaniugan bayat ti inagurasion ti baro a rangtay.
Nangrugi ti pasken babaen ti pannakabendision ti rangtay, a sinaruno ti pannakaiparang dagiti opisial a marker ti rangtay.
Inyunay-unay ni Marcos ti akem ti rangtay iti pannakapalag-an ti inaldaw a panagbiahe ken pannakaparang-ay ti panagtagilako iti amianan a Cagayan.
Mannurat ti Bannawag Clotilde C. Alzate, pimmusay iti edadna a 100
Kinunana a mangipaay ti baro a rangtay iti naparpartak ken ad-adda a direkta a ruta iti nagbaetan dagiti ili ti Camalaniugan ken Aparri a pakabenepisiaran dagiti umili, motorista, ken negosio.
Agpateg ti rangtay agarup ₱2 bilion, agatiddog iti 2.16 a kilometro, ken addaan iti 45-tonelada a maximum load capacity. (Liezle Basa Iñigo/MB)
