Pinalagipan ti Department of Health (DOH) dagiti deboto ti Jesus Nazareno ita nga aldaw, Enero 8, nga ipangpangrunada koma ti kinatalgedda tapno mailisida iti posible a panagkakaribuso ti tao iti maangay a Traslacion 2026 inton Enero 9, a dar-ayan ti minilion a tattao.
Daytoy ti maysa nga impakdaar ti DOH bayat ti panangipaulogda iti pagannurotan tapno maliklikan ti pannakadangran wenno mabalin a pannakatay no bilang ta mapasamak ti stampede bayat ti libut.
Impakaammo ti DOH iti publiko dagiti pagilasinan ti stampede kas iti nalabes a panagdidinnuron dagiti tao, marigatan a panangipangato iti saka, kellaat ken aggigiddan a panaggaraw dagiti tao, marigatan nga aganges.
Impakdaar ti DOH dagiti sintoma a posible a marikna iti libut kas iti nakaro a pannakawaw, pannakaulaw, marigatan nga umanges, panagsarua, pannakabannog gapu iti pudot, ken ut-ot iti barukong.
Pannakareporma ti polisia iti classroom observation ti DepEd, indagadag ti grupo dagiti mannursuro
Asino man a makarikna kadagitoy a sintoma ket mabalin nga agkamang iti kaasitgan nga Health Emergency Response Team nga impasdek ti DOH kadagiti lugar a karaman iti ruta ti Traslacion kas iti Quirino Grandstand:
• Rizal Park, Roxas Boulevard
• National Museum (Exit Point)
• Cebuana Luillier (asideg ti SM Manila)
• Sun Trust (asideg ti Ayala Bridge)
• ti entero a kalsada ti P. Casal
• Quinta Market Parking
• Villarica Pawnshop, Quezon Boulevard
• Technological Institute of the Philippines cor. Lingkod Bayan (Arlequi cor. P. Casal)
• San Sebastian Church Ground
• MLQU Ground
• One Quiapo Hotel, Quezon Boulevard
• iti sango ti BDO (C. Palanca cor. P. Gomez)
• MCGI Quiapo, Quezon Boulevard
• Iti sango ti 7-Eleven ken Chowking
• Iti sango ti PhilTrust Bank
(Patrick Garcia/Manila Bulletin//Lito Hilidon/Bannawag)
