Nailanad ita nga aldaw, Enero 10, ti kapautan a Traslacion iti pagilian, apaman a nakastrek ti andas (karosa) ti Jesus Nazareno iti Simbaan ti Quiapo kalpasan ti dandani 31 nga oras a libut.
Nasurok a 7.3 a milion a deboto ti nakipaset iti libut ita a tawen, a kaaduan a bilang iti historia ti pagilian. Apaman a makadanon iti Simbaan ti Quiapo, mapan a 1.4 a milion a deboto ti nagtitipon a mangpasangbay iti andas, a mangipakita iti panagtalinaed ti debosion dagiti Filipino.
Adu dagiti nakaigapu iti kinaginad ti panaggaraw ti karosa: umariwekwek a tao, adu a pannakaitantan, nagsat a tali, ken pannakabannog gapu iti pudot. Ngem gapu iti kinapinget dagiti nagboluntario ken nagbantay, nagtalinaed ti urnos iti traslacion.
Rinibu a deboto ti nagtitipat ken nangidir-i iti "Viva Nazareno!” apaman a nakagteng ti andas ti Jesus Nazareno iti Plaza Miranda itay 10:43 iti bigat, nupay narigatan ti andas a naiserrek iti simbaan ken nagtalinaed iti arko ti Quiapo Church iti dandani maysa nga oras gapu iti kaadu ti tao ken rigat iti panangguyod dagiti nangtengngel iti karosa.
Kasapulan ti natibker ken nainkalintegan a pagtaktakderan iti parikut iti WPS --NMC
Nakastrek ti karosa iti Quiapo Church iti oras ti 10:50 iti bigat.
Nagpaut ti Traslacion iti 30 nga oras, 50 a minuto ken maysa a segundo. (Diann Calucin/Manila Bulletin//Lito Hilidon/Bannawag)
