Napaliiw ti Philippine Institute of Volcanology and Seismology (Phivolcs) ti apagbiit a panangipugso ti Mayon Volcano iti agburburek a lava ita nga aldaw, Enero 13.
Segun iti Phivolcs, pimsuak ti lava a 100 a metro ti kangatona itay 1:39 iti parbangon iti pantok ti bulkan a nagpaut iti 35 a segundo.
Nagtalinaed iti Alert Level 3 ti Mayon gapu iti panagtultuloy a panagpusuak ti magma manipud 12:00 iti parbangon ti Enero 12 agingga iti 12:00 iti parbangon ti Enero 13.
Impaganetget ti Phivolcs a maiparit ti sumrek iti six-kilometer-radius permanent danger zone, kasta met iti extended danger zone.
Pagalagadan iti MAIFIP mainaig iti pannakaiparit ti guarantee letter, iruar ti DOH inton Pebrero
Impakdaar ti Phivolcs iti publiko ken lokal nga autoridad iti mabalin a peggad a mapasamak bayat ti pannakaipakat ti Alert Level 3, kas iti panagtinnag ti bato, panagreggaay, panagpusuak dagiti babassit a bato, panagayus ti lava, ken lahar no napigsa ken napaut ti tudo. (Ellalyn De Vera-Ruiz/Manila Bulletin//Lito Hilidon/Bannawag)
