Saan nga ibabawi ni dati ar Department of Public Works and Highways (DPWH) Bulacan district engineer Henry Alcantara dagiti testimoniana a nangiraman kadagiti tao ken dadduma pay a senador ken kongresman, mainaig kadagiti naanomalia a flood control project, kinuna ti abogadona idi Enero 13.
Iti idadar-ay ni Atty. Emil Karlo Joven iti hearing nga inangay ti Department of Justice (DOJ) idi Enero 13 para iti kiddaw ni Alcantara nga state witness protection program, kinunana a saan a pudno ket mangallilaw laeng dagiti report a nagbaliwen ti panunot ni Alcantara nga agtestimonia para iti gobierno.
Segun ken ni Joven, adda tinnulag (memorandum of agreement) da Alcantara ken DOJ kas paset ti pannakaipaay ti Witness Protection Program kenkuana, ket agtalinaed ti karbengan a makitinnulong kadagiti autoridad.
Agdagupen iti ₱181 a milion ti insuko ni Alcantara iti gobierno, a nangibagi iti kinabaknang a naala iti di umisu a wagas manipud kadagiti kickback iti ghost flood control project iti Bulacan nga im-imbestigaren ti gobierno.
Kasapulan ti natibker ken nainkalintegan a pagtaktakderan iti parikut iti WPS --NMC
Kiniddaw ni Joven iti publiko nga agannadda ken agpannurayda laeng koma iti napasingkedan ken mabigbig a pagtaudan ti impormasion, ta mabalin a saan nga umno dagiti report a saan a naggapu iti DOJ. (Benjamin Pulta/PNA//Lito Hilidon/Bannawag)
