Pinirmaan ti Filipinas ken United Arab Emirates (UAE) ti umuna a free trade agreement (FTA), kas paset ti panangisaknap iti global trade.
Sinaksian da President Ferdinand R. Marcos Jr. ken UAE President Sheikh Mohamed bin Zayed Al Nahyan ti pannakapirma iti historikal a Comprehensive Economic Partnership Agreement (CEPA) bayat ti naangay nga Abu Dhabi Sustainability Week (ADSW) 2026 Summit iti Abu Dhabi National Exhibition Center idi Enero 13.
Pinirmaan ni Trade Secretary Ma. Christina Roque ti CEPA iti biang ti Filipinas, segun iti Presidential Communications Office (PCO).
Gandat ti CEPA ti Filipinas ken UAE a maipababa ti taripa, mapasayaat ti panagtagilako kadagiti produkto ken serbisio, mangpaadu iti agpuonan iti pagilian, ken mangbukel iti oportunidad kadagiti propesional a Filipino ken service provider iti UAE.
Kasapulan ti natibker ken nainkalintegan a pagtaktakderan iti parikut iti WPS --NMC
Sakupen ti FTA dagiti sektor kas iti digital trade; micro, small, and medium enterprises (MSMEs); natalged a panagdur-as; intellectual property; kompetision ken pannakasalaknib dagiti consumer; panaggatang ti gobierno, ken panagtinnulong iti teknikal.
Papigsaen ti CEPA dagiti dadduma pay a tulag ti Filipinas ken UAE, kas iti Investment Promotion and Protection Agreement ken ti panagtinnulong iti negosio, enerhia, logistics, panagpartuat, ken turismo. (Ruth Abbey Gita-Carlos/PNA//Lito Hilidon/Bannawag)
