Ramrambakan ti ili ti Villasis, Pangasinan ti panagpiesta ti ili manipud Enero 10 agingga 17, a pakaitampokan ti Talong Festival wenno Piesta ti Tarong.
Ipaganetget ti piesta ti Villasis a kas vegetable bowl ti Pangasinan, a mamaglalaok iti agrikultura, kultura, ken paglinglingayan iti maymaysa a naragsak a panagrambak.
Ti Talong Festival inton Enero 16, mangitampok kadagiti farm field demostration, ti paborito dagiti agbuybuya a Pinakbet sa Kawa, eggplant cookfest, ken dagiti kompetision, a mangipakpakita iti kinaadu ti pakausaran ken kinapateg ti tarong iti lokal a panagtaraon ken pagbiagan.
TAO, LUGAR, PASAMAK: Sadiay Salomague
Maangay met ti maysa a konsierto ken grand fireworks display iti rabii ti Enero 16.
Dagiti dadduma pay nga aktibidad iti piesta; cultural shows, sports events, pageants, sectoral nights, ken civic parade nga agturong iti piesta ni Saint Anthony Abbot ken koronasion ken balikbayan night inton Enero 17.
Yaw-awis dagiti lokal nga opisial ti publiko a mangipiestada, nga itampokda ti Talong Festival kas simbolo ti agricultural pride ken panagkaykaysa ti komunidad ti Villasis. (Liezle Basa Iñigo/MB)
