Gapu ta maibilang a pugante ni dati a kongresman Zaldy Co -- a naidarum iti kaso a graft ken non-bailable malversation of public funds -- saan a maikari a maikkan iti judicial relief wenno tulong manipud iti korte, segun iti Sandiganbayan.
Gapu iti daytoy, saan a pinatgan ti Sandiganbayan ti apelar ni Co iti pannakawaswas ti pasaportena ken iti pannakaideklararna a kas maysa a pugante.
Segun iti korte, saan pay a boluntario a simmuko ni Co, isu nga awan ti legal a karbenganna nga agkiddaw iti ania man a proseso ti korte.
Itay kallabes, inkeddeng ti Korte Suprema (SC) a maibilang a pugante ti tao a manglikliklik iti pannakausig iti korte ken iti pannakadusada nga impataw ti korte gapu iti pannakakombiktarda.
₱800 a nayon iti binulan a sueldo dagiti katulongan iti NCR, marugian inton Pebrero 7
Impaganetget ti SC a dagiti pugante ket saan a mapalubosan nga agkiddaw iti ania man a tulong ti korte, malaksid no boluntario a sumuko daytoy.
Kinuna ti Sandiganbayan nga umno ken maiparbeng a yaplikarda daytoy a prinsipio iti kaso ni Co, nga agtultuloy a manglikliklik iti pannakaarestarna ken awan iti hurisdiksion ti korte.
Idi Disiembre 10, 2025, indeklarar ti Sandiganbayan a pugante ni Co ken imbilin daytoy ti pannakawaswas ti pasaportena. (Czarina Nicole Ong Ki/Manila Bulletin//Lito Hilidon/Bannawag)
