Awan pay ti naawat ti Department of the Interior and Local Government (DILG) a pormal a kopia ti warrant of arrest manipud iti International Criminal Court (ICC) a maibusor ken ni Senador Ronald "Bato" dela Rosa.
Daytoy ti impalgak ni Sekretario ti DILG Juanito Victor “Jonvic’’ Remulla idi Enero 14, idinto a patienna nga adda iti Davao ni Dela Rosa iti baet ti naipadamag a pannakaipaulog ti warrant of arrest ti ICC.
Inlawlawag ni Remulla nga awan ti maaramidan ti DILG no awan ti pormal a kopiada iti arrest warrant, idinto a dina pay nakita daytoy.
Saan pay a nagparparang ni Dela Rosa iti publiko, ken naglangan kadagiti sesion ken hearing ti Senado, kalpasan ti panangibaga ni Ombudsman Jesus Crispin Remulla nga addan impaulog ti ICC a warrant of arrest kontra iti senador.
Kasapulan ti natibker ken nainkalintegan a pagtaktakderan iti parikut iti WPS --NMC
Ni Dela Rosa ti hepe ti Philippine National Police (PNP) idi impatungpal ti administrasion ni Duterte ti anti-drug war. (Chito Chavez/Manila Bulletin//Lito Hilidon/Bannawag)
