Nagtalinaed iti Philippine Sea ni Bagyo Ada (international name: Nokaen) itay agsapa, Enero 16, gapu iti naginad a panaggarawna, segun iti Philippine Atmospheric, Geophysical and Astronomical Services Administration (PAGASA).
Itay 5:00 ti parbangon, nasaripatpatan ti sentro ni Bago Ada iti 370 a kilometro iti daya ti Surigao City, Surigao del Norte, wenno iti 430 a kilometro iti daya ti Maasin City, Southern Leyte.
Agpigsa ni Ada iti 65 a kilometro kada oras iti asideg ti sentrona, ken pugso nga agingga iti 80 a kilometro kada oras.
Naginad nga agtigtignay ti bagyo nga agpaamianan-amianan a laud.
LTFRB, mangbukel iti paglintegan kontra kadagiti daanen a lugan
Agtalinaed iti Tropical Cyclone Wind Signal (TCWS) No. 1 ti daya a paset ti Camarines Norte (Mercedes, Basud, San Lorenzo Ruiz, San Vicente, Daet, Talisay, Vinzons); Camarines Sur; Catanduanes; Albay; Sorsogon; daya a paset ti kadaklan ti Masbate (Pio V. Corpuz, Cataingan, Palanas, Dimasalang, Uson, Mobo, City of Masbate, Baleno, Aroroy), agraman ti Ticao ken Burias Island; Northern Samar; Samar; Eastern Samar; Biliran; amianan ken sentro a paset ti Leyte (Carigara, Barugo, San Miguel, Babatngon, Tacloban City, Tunga, Jaro, Alangalang, Santa Fe, Palo, Dagami, Pastrana, Tanauan, Tabontabon, Julita, Dulag, Tolosa, La Paz, Mayorga, MacArthur, Javier, Abuyog, Mahaplag, Kananga, Capoocan, Leyte, Calubian, San Isidro, Tabango, Burauen, Ormoc City, Matag-ob, Villaba, Albuera, Palompon, Merida, Isabel, City of Baybay); daya a paset ti Southern Leyte (Silago, Sogod, Libagon, Saint Bernard, Hinunangan, Hinundayan, Anahawan, San Juan, Liloan, San Ricardo, San Francisco, Pintuyan); Dinagat Islands; Surigao del Norte; ken Surigao del Sur.
Pattapattaen ti PAGASA nga agpaamianan a laud ni Ada agingga inton Enero 17, sakbay nga agpaamianan-amianan a laud sa agpaamianan a daya inton Domingo (Enero 18).
Mangrugi inton Enero 20, ekspektaren nga agturong ni Ada iti abagatan a daya bayat nga agtalinaed iti baybay iti dayaen ti Bicol Region. (Ellalyn De Vera-Ruiz/Manila Bulletin//Lito Hilidon/Bannawag)
