Impalgak ni mayor ti Siudad ti Vigan Randy Singson a nangrugin ti Vigan Longganisa Festival 2026 idi Enero 15.
Naluktan ti pannakarambak ti piesta babaen ti final canvassing ti popularity contest a Reynas de Vigan 2026 idi rabii ti Huebes iti Plaza Burgos.
Inringpas ni Singson, agraman dagiti ti nadumaduma a komite ti siudad, ti amin a panagsagana iti parambak iti maysa a taripnong iti Vigan Convention Center idi Enero 14. Mairaman iti napagsasaritaanda ti turismo, seguridad, panangiwardas iti trapiko, annuroten dagiti salip, ken pannakasuspenso dagiti klase.
Kinuna ni Singson a daytoy a tawen ti kangayedan, saan laeng a gapu iti karuay dagiti napipintas nga aktibidad, no di ket pay gapu ta mairana iti maika-25 nga anibersario ti panagbalin a siudad ti Vigan.
LTFRB, mangbukel iti paglintegan kontra kadagiti daanen a lugan
Nagbalin a siudad ti Vigan babaen ti Republic Act No. 8988 a pinirmaan ni Presidente Joseph Estrada iti Disiembre 27, 2020 ken marambakanda daytoy iti kada Enero 22 kas sagudayen ti Republic Act No. 9411 a pinirmaan ni Presidente Gloria M. Arroyo idi Marso 24, 2007, a nairana iti tinawen a piesta ti Vigan. (Freddie Lazaro/Manila Bulletin//Lito Hilidon/Bannawag)
