Mangipila dagiti abogado ni negosiante a Charlie “Atong” Ang iti Omnibus Motion ita nga aldaw, Enero 16, a mangipawaswas iti warrant of arrest nga impaulog ti Laguna trial court mainaig iti kaso dagiti mapukpukaw a mammallot wenno sabungeros.
Kinuna ni Atty. Gabriel Villareal a dinadarasudos ken pananglabsing iti kalintegan ni Ang ti pannakaipaulog ti warrant of arrest ni Ang, gapu ta saan a kompleto dagiti impormasion nga impaay ti Department of Justice (DOJ).
Segun ken ni Villareal, dagiti impormasion nga insubmiter ti DOJ ti nangibasaran ti korte iti panangkita iti probable cause a nagbalin metten a nagibasaranda a nangipaulog iti warrant of arrest kontra kan ni Ang ken kadagiti 17 pay a naidarum a pakairamanan ti siam a polis.
Malaksid ti panagpaayna nga abogado, agpaay met ni Villareal a panakangiwat ni Ang.
Kasapulan ti natibker ken nainkalintegan a pagtaktakderan iti parikut iti WPS --NMC
Segun ken ni Villareal, makedngan laeng ti panagsaona maipapan kadagiti aramidenda a legal a pamuspusan tapno saan a maikompromiso daytoy, ngem mangiruarda iti press statement no kasapulan. (Aaron Recuenco/Manila Bulletin//Lito Hilidon/Bannawag)
