Ipaulog ti Department of Health (DOH) ti baro a pagalagadan iti Medical Assistance for Indigent and Financially Incapacitated Patients (MAIFIP) sakbay iti ngudo ti Pebrero, kas maitunos iti nainget a polisia a mangiparit iti panagusar iti guarantee letter manipud kadagiti nabotosan nga opisial, a pagbayad ti pasiente iti ospital.
Daytoy ti kinuna ni panakangiwat ti DOH Assistant Secretary Albert Domingo ita nga aldaw, Enero 17 iti maysa nga interbiu.
Segun ken ni Domingo, maitunos dagiti pagalagadan iti pammilin ni Presidente Marcos Jr. a mangiparit iti guarantee letter manipud iti nabotosan nga opisial kas pagbayad iti ospital, maysa a polisia a naisaad iti Section 19 ti 2026 General Appropriations Act (GAA) a napirmaan idi Enero 5.
Iti babaen ti nabaliwan a paglintegan ti MAIFIP, kinuna ti DOH a pasaknapenda dagiti benepisio tapno mairaman ti outpatient ken dadduma pay a serbisio kas iti ophthalmology service, dental service, free-standing dialysis clinics, ken FDA-approved medicine, agraman ti professional fee ti doktor.
Kasapulan ti natibker ken nainkalintegan a pagtaktakderan iti parikut iti WPS --NMC
Idi napan a tawen, kinuestionar ni Cardinal Pablo Virgilio “Ambo” David ti pannakaisaknap ti MAIFIP program iti 2026 national budget, ket kinunana a mabalin nga usaren daytoy iti politika ken mangipababa iti dayaw ti tao. (Jel Santos/Manila Bulletin//Lito Hilidon/Bannawag)
