Naipan iti Tropical Wind Signal No. 2 ti pito a lugar, bayat a pimmigsa ni Tropical Storm Ada (internasional a naganna: Nokaen) iti dayaen iti Bicol Region, segun iti Philippine Atmospheric, Geophysical and Astronomical Services Administration (PAGASA) ita nga aldaw, Enero 17.
Adda iti Signal No. 2 ti daya a paset ti Camarines Sur (Siruma, Tinambac, Ocampo, Baao, Nabua, Bato, Iriga City, Buhi, Sagñay, Tigaon, Goa, Lagonoy, San Jose, Garchitorena, Presentacion, Caramoan, Milaor, Camaligan, Pili, Magarao, Minalabac, Balatan, Naga City, Calabanga, Bombon, Bula, Canaman, ken Gainza); Catanduanes, Albay, Sorsogon; Northern Samar; amianan a paset ti Eastern Samar (Jipapad, Maslog, Dolores, Oras, San Policarpo, ken Arteche); ken ti amianan a daya a paset ti Samar (Matuguinao ken San Jose de Buan).
Agtalinaed iti Signal No. 1 ti daya a paset ti Quezon (Tagkawayan, Guinayangan, Lopez, Calauag, Buenavista, San Narciso, San Andres, San Francisco, Mulanay, Catanauan, General Luna, Macalelon, Gumaca, Pitogo, Unisan, Atimonan, Plaridel, Agdangan, Padre Burgos, Quezon, Alabat, Perez, ken Polillo Islands); Marinduque; Camarines Norte; ti dadduma a paset ti Camarines Sur; Masbate, agraman ti Ticao ken Burias Island; ti dadduma a paset ti Eastern Samar; ti dadduma a paset ti Samar; Biliran; Leyte; Southern Leyte; amianan a paset ti Cebu (Medellin, Daanbantayan, San Remigio, ti Siudad ti Bogo, Tabogon, ken ti Camotes ken Bantayan Island); ken Dinagat Islands.
Itay 5:00 iti parbangon, nasaripatpatan ti PAGASA ti sentro ni Ada iti 120 a kilometro iti daya-amianan a daya ti Catarman, Northern Samar, agpalaud-amianan a laud iti kapardas a 20 a kilometro kada oras.
Kasapulan ti natibker ken nainkalintegan a pagtaktakderan iti parikut iti WPS --NMC
Agpigsa ni Ada iti 85 a kilometro kada oras iti asideg ti sentrona, ken pugso nga agingga iti 105 a kilometro kada oras.
Manipud inton Domingo (Enero 18), ekspektaren ti PAGASA ti naginad a panagtignay ni Ada iti baybay iti dayaen ti Southern Luzon, ken mabalin a lumabas ti sentrona iti Catanduanes iti malem ti Sabado (Enero 17) agingga iti agsapa ti Domingo.
Nupay mabalin nga agtalinaed ni Ada a kas bagyo iti baybay iti dayaen ti Visayas ken Southern Luzon, kuna ti PAGASA a mabalin latta a pumigsa ni Ada ket agbalin a severe tropical storm.
Inton Martes (Enero 20), mabalin a kumapuy ni Ada ket agbalin laengen a tropical depression gapu iti epekto ti amian (northeast monsoon). (Ellalyn De Vera-Ruiz/Manila Bulletin//Lito Hilidon/Bannawag)
