Kimmapsut ni Tropical Storm Ada (internasional a nagan: Nokaen) ket nagbalin laengen a maysa a tropical depression bayat ti yaadayona iti Luzon, segun iti Philippine Atmospheric, Geophysical and Astronomical Services Administration (PAGASA) ita nga aldaw, Enero 19.
Itay 5:00 iti parbangon, adda ti sentro ti bagyo iti 380 a kilometro iti daya ti Casiguran, Aurora.
Agpaamianan-amianan a daya iti kapardas a 10 a kilometro kada oras, nga agpigsa iti 55 a kilometro kada oras, ken pugso nga agingga iti 70 a kilometro kada oras.
Ekspektaren ti PAGASA nga agturong ni Ada iti amianan a daya iti las-ud daytoy nga aldaw, sakbay nga agrikos iti baybay iti daya ti Luzon.
Kasapulan ti natibker ken nainkalintegan a pagtaktakderan iti parikut iti WPS --NMC
Ti amian (northeast monsoon) ti manamnama nga agtultuloy a mangpakapuy iti bagyo agingga nga agbalin daytoy a low pressure area (LPA) inton Enero 21, wenno nasaksakbay. (Ellson Quismorio/Manila Bulletin//Lito Hilidon/Bannawag)
