Patien ni daulo ti Committee on Justice ti Kamara Batangas 2nd district Rep. Gerville "Jinky" Luistro a kabaelan a tamingen ti komitena ti aggiddan a dua a kaso ti impeachment.
Kinuna ni Luistro, idi Lunes, Enero 19, a dakkel ti panagtalekna kadagiti kakaduana iti Committee on Justice ta nasisiribda amin.
Iti bigat ti dayta met laeng nga aldaw (Enero 19), impila ni abogado Andre de Jesus ti verified impeachment complaint a maibusor ken ni Presidente Marcos Jr.
Naipila ti impeachment complaint kontra ken ni Marcos sumagmamano a lawas sakbay ti mapadpadaanan a pannakaipila ti maikadua nga impeachment complaint kontra ken ni Bise Presidente Sara Duterte. Agpaso inton Pebrero 6 ti one-year bar ti panangipila ti impeachment complaint kontra ken ni Duterte.
₱800 a nayon iti binulan a sueldo dagiti katulongan iti NCR, marugian inton Pebrero 7
Iti gagangay a kasasaad, mangangay iti hearing ti Committe on Justice tapno makitada no "sufficient in form and substance" met laeng ti naipila nga impeachment complaint.
Inlawlawag ni Luistro a maibilang a sufficient in form ti maysa nga impeachment complaint no napatalgedan daytoy, napirmaan, ken inisponsoran ti maysa a kameng ti Kamara, ken dadduma pay a rekititos.
Maibilang a sufficient in substance ti maysa nga impeachment complaint no napaneknekan ti natibker nga ebidensia dagiti ground for impeachment a nadakamat iti impeachment complaint. (Ellson Quismorio/Manila Bulletin//Lito Hilidon/Bannawag)
